謝天華回復自由身之後,首度亮相有線並接受《星級會客室》主持汪曼玲訪問。天華經常被指花弗,佢就笑住說:「可能我個樣令人覺得咁樣啩,但係大家唔好以貌取人。」
天華又大讚太太:「佢唔單止係成功男人背後嘅女人,最重要係喺我失敗嗰陣,佢都對我不離不棄,咁就夠喇,共富貴邊個唔識啫?共患難先緊要。」
天華結咗婚咁耐,都仲未有小朋友,天華就話唔強求:「由天安排啦,雖然0依家好興人工方法,但係我哋都係想順其自然。屋企又冇俾壓力我,因為我阿哥、家姐已經生咗好多,而且我同老婆0依家好享受兩公婆嘅生活。」
講到將來嘅工作,天華話:「我0依家有好大自由度,不斷傾緊唔同嘅劇本,演戲好似個深淵咁,令我不斷想追落去,想同唔同人合作,拍唔同嘅嘢,當然我都希望可以影帝舞台,呢個係做戲嘅人都想(攞獎),話唔想嗰個就唔好再做喇。」
本報娛樂版舉辦的「萬千星虧頒獎禮」已經來到第五屆,今屆口號為「全民起義,網民話事」,換言之由網民一人一票選出心目中最虧代表,包括男主角、女主角、最虧節目及最虧場面。讀者可由即日起至本月14日、晚上11時59分之前,到以下網址( http://campaign.appledaily.com/tvawards2013 )投票。投票結果於本月16日在本報娛樂版及網上公佈。