就滿38歲嘅釋由美子曾經係日本水着界人氣偶像，去年10月嫁俾圈外商人後已減少性感，早前更公佈陀B喜訊，預產期係今個月底。

釋由美子個肚皮越來越凸，早前佢已為孕婦刊物BiAnza拍攝封面，而一度誤傳婚變嘅佢，近日又再晒幸福，喺網誌上公開晒大肚嘅孕婦寫真，釋由美子仲話BB就快出世，自己將告別孕婦階段，令佢覺得有啲唔捨得。

至於上年11月一索得男嘅名模蛯原友里，今日就喺Instagram公開自己上年拍下嘅大肚半裸照，已收身成功嘅蛯原登上新一期時裝書封面晒小蠻腰。