醫學界立法會議員陳沛然最近喺立法會一個委員會，要求食衛局長高永文交代《醫療人力規劃和專業發展策略檢討報告》用咗幾錢做、培訓醫生嘅兩間大學可以獲得幾多資助，民望高答唔到，話要會後提供。陳沛然將呢條質問上載Fb，留言：「都是我的錯，問題太尖銳，要自我檢討，講完。」

擔任民望高政治助理嘅陳凱欣似乎好不滿陳沛然只係將呢3分鐘片段上載，喺佢Fb回應：「看事實一定要看全部，會議超過一小時，片段只有3分鐘，你喜歡怎樣形容也可以…只看3分鐘片段，就判斷高局長不回應，確實不太公允…如果高局長不能滿足你，那希望下任局長能令你滿足一點！」

佢又不滿陳沛然疑似刪佢po，「只准自己批評，而不接受別人批評，我倒看不到這是君子行為。」但陳堅持冇咁做，攞晒啲Fb紀錄證明清白，估唔到同政助擦出火花。