【13：58更新】新增影片
「佢絕對冇打個孫，好錫佢，但係就成日擔心教唔好！應該係一時衝動！」涉勒斃6歲外孫的52歲姓簡女子，在鄰居眼中絕對是個好外婆，無奈最後竟成殺人兇手，鄰居大感震驚之餘，亦揭發出簡婦一段坎坷故事。據了解，簡婦與丈夫育有兩女，早年買下馬鞍山耀安邨一單位，以為安居樂業，豈料夫婦倆感情生變，丈夫十多年前已搬出，剩下簡婦養育兩女。

簡婦承受單親家庭的壓力，一手湊大兩女，大女已婚搬出，細女則「唔生性」，鄰居謂「細女好細個已經有BB，即係事件中的軒仔，但最後冇同個男仔結婚，係未婚產子。」據說，簡婦非常不滿女兒的男友，但卻對軒仔愛護有加。軒仔的爺爺、嫲嫲曾多次要求取回軒仔的撫養權，惟簡婦不時向鄰居透露「唔捨得，由細養到咁大，佢哋（爺爺、嫲嫲）要求我畀番佢，我唔捨得啫，好錫佢！」發生勒孫事件前，簡婦曾向鄰居傾訴，「有冇人可以幫到我，我依家好悽涼，個孫又咁樣！」鄰居感到簡婦覺得自己責任重大，因而產生好大壓力。「佢絕對冇打個孫，好錫，成日擔心教唔好，因為爺爺要攞番佢唔畀，驚同男家交代唔到。」鄰居回想起來，估計簡婦抑鬱成病，因一時衝衝動而鑄成大錯。

鄰居形容軒仔過度活躍，「停唔到落嚟，話極唔聽，玩起上嚟通街追。」簡婦曾向街坊呻「好辛苦」，對於簡婦涉勒斃外孫，街坊坦言「好震驚」，但同情簡婦的遭遇，並指社會對過度活躍症人士及其照顧者的協助不足。

相關新聞：
【A1頭條】外婆勒殺過度活躍症6歲孫
http://bit.ly/2FT0AJw

你敢爆，我敢獎！ 即Call《蘋果》24小時爆相爆片熱線 ：63836568