沈集成剛周日強陣應戰，最終無馬贏之餘，全日只交兩場季軍，就連屬明星級的「港林飛魚」及「縱橫大地」未能成功連捷，這是否意味着此廐季初的子彈已用得八八九九？再看這個今季谷草例有馬贏倉口，周三晚五匹列陣馬中，已沒有如「上浦猛將」及「錢照收」這類谷戰近績硬淨之輩，從種種迹象顯示，恐防沈集成已開始進入回氣期，不宜博他反底。
說到谷草成績，何良今季亦不失禮，季內派過25駒渡江出賽，合共交出4W3P，谷草勝出率只落後沈集成及呂健威排行第三，而當中六匹10倍或以下有飛之馬，總成績三冠一亞一第五，稱得上飛到馬到。
今次何廐出馬三匹，頭場「摯愛財星」及第三場「得意財星」上仗均能於今次出爭路程跑入三甲，今次如票硬的話，依數據更能看高一線。前駒上仗排外檔全程走外叠，仍能於極不利追的谷草1000米後上跑第三，其實難度甚高，明晚抽五檔好跑得多，理應補中。至於「得意財星」新近跑谷草一哩跟上極快步速仍可獲季，賽績同樣唔簡單，試準後馬房再吼同程捲土重來，矢志交代。