今年30歲嘅「星女郎」張雨綺喺2015年宣佈同因嫖妓被捕嘅導演老公王全安離婚，事隔一年，佢又宣佈閃嫁拍拖只有70日嘅大陸袁姓土豪富商。(新聞連結： http://bit.ly/2trbyDc )

雖然外界一直唔睇好呢段婚姻，因為曾經有指張雨綺嘅老公已經結婚兼有一個女，不過事後佢否認老公曾經結過婚，但本身確實係有一個女，佢一啲都唔介意：「孩子是世界上最美好的靈魂，也是我婚後收獲的最珍貴禮物。」

今日有大陸傳媒報道，張雨綺已經懷孕，兼且將會去美國待產，事後有傳媒向佢嘅經理人求證，經理人回覆話：「是的，雨綺懷孕了，我們都很替她高興。」其實喺上個月底，張雨綺喺微博貼咗同老公同度假嘅相，嗰陣佢刻意遮住個肚，只係貼大頭相，加上身型又比以前圓潤咗，已經有網民估佢係咪已經有咗!