韓國男團JYJ成員朴有天去年6月當兵期間，先後捲入四宗性侵案，事後雖然被判無嫌疑，但令佢形象跌至谷底。

而朴有天近日又再爆是非，根據韓國傳媒報道，朴有天嘅兩個商住物業涉欠交稅金，當中物業係朴有天於2013年購入，現時市值約31.5億韓圜(約2,278萬港元)，現身物業遭當局扣起，準備作拍賣之用。不過只要朴有天喺限期前還款，咁物業就唔需要被拍賣。

未知係唔係再次傳出不利消息，定係朴有天想趁佳節同粉絲作交流，佢就通過網上公開親筆信畀粉絲，並留言向粉絲致歉，留言：「真係好多抱歉，好多對不起，會好努力盡力去做，感謝你們！」

另外，朴有天同南陽乳業家族外孫女黃荷娜原定今年秋天結婚，不過二人婚期一改再改，而今日黃荷娜就上載短片，當中佢正身在飛機上，身旁嘅男子疑似係朴有天。

更多韓流，喺晒《娛果》
http://fb.com/appledailyent