李彩華低胸鬥Kary 夏日涼浸浸
蘋果日報 2006/07/22 00:00
李彩華（Rain）、鄧麗欣（Stephy）及吳雨霏（Kary）等前晚於荃灣出席PM第五屆夏日人氣歌手頒獎禮，得到人氣魅力女歌手及人氣歌曲兩獎的阿Rain花盡心思打扮博出風頭，又不斷抱起BB親近一番，以證魅力。
爆霆鋒甜蜜煲粥
Kary也不甘示弱，一條低腰牛仔褲低無可低，連小腹下部的大粒癦也無所遁形，反而近日出書做才女的Stephy收起性感，只以背心三個骨褲示人。為遮M字額、就算炎夏都不除帽的側田，當晚戴上疏窿鴨舌帽散散熱氣。
阿Rain說：「我連續兩年攞魅力歌手獎，梗係要着得魅力啲，不過我裏面都有一件，有層次好啲，其實我冇咁開放。」阿Rain早前與謝霆鋒及阮民安（Tommy）在內地拍戲，她踢爆霆鋒經常甜蜜煲電話粥，她說：「佢不嬲咁甜蜜，係咪同栢芝傾就唔知，但成日匿埋一邊喁喁細語囉，可能同四哥拉姑傾呢！」
採訪：胡比 攝影：陳俊強
阿Rain說：「我連續兩年攞魅力歌手獎，梗係要着得魅力啲，不過我裏面都有一件，有層次好啲，其實我冇咁開放。」阿Rain早前與謝霆鋒及阮民安（Tommy）在內地拍戲，她踢爆霆鋒經常甜蜜煲電話粥，她說：「佢不嬲咁甜蜜，係咪同栢芝傾就唔知，但成日匿埋一邊喁喁細語囉，可能同四哥拉姑傾呢！」
採訪：胡比 攝影：陳俊強
Stephy對於處女作《不要忘記》一度賣斷市，她開心地說：「每本書都有個密碼，可以上我個網同我傾偈。」
身穿低腰牛仔褲的Kary，拿着Stephy的字牌為老友打氣。
側田獻唱時，歌迷反應最為熱烈。