山竹襲港，69歲徐小鳳於今晚假紅館舉行尾場「金光燦爛徐小鳳演唱會2018」，連日觀眾都心急追問尾場騷會否取消或改期，昨晚主辦機構香港演唱會有限公司表示：「因受颱風惡劣天氣影響，『金光燦爛徐小鳳演唱會2018』，16日晚(尾場)之演出安排，將於9月16日下午四時三十分公佈詳情。」

今早天文台高掛10號風球，但主辦依然等到4點半才有決定，網民紛紛留言鬧爆：「痴膠花！甚麼公司來的！甚麼樣的演唱會呀！（利申：我是小鳳姐的鐵粉！）為甚麼有這麼的安排！簡直不知所謂！罔顧人命安全！不理人家的感受！如果風球突然除下，趕不及入場的就不關製作工司的事！只顧賺錢！搵人出來交代、澄清一下！」、「馬會都咁忍心取消聽日跑馬賽事，你估你嘅損大D定馬會？」、「早d講唔得咩？有無諗過可能有好多觀眾都係外地過嚟睇？」

有好多網民都係買飛畀父母睇騷，怒轟主辦冇理觀眾安全：「真係多得你哋唔少，全省動車高鐵都停曬，我老豆話要開車上高速落深圳，過關搭火車落紅磡。你哋究竟有無考慮過演出者同觀眾嘅安全？」、「睇得徐小鳳的都7老80，你地咁嘅安排，真係幾人性化！」、「這跟本是不可能的，就算颱風減弱，到處都一片混亂，有地方水浸，有地方倒樹，交通仍未恢復，我們難道可以四方八面步行到紅館嗎？這根本是沒良心的決定！」

精選娛聞，喺晒《娛果》
http://fb.com/appledailyent