明日（17日）第三場四班1200米，不計四匹初出馬，只有「噴火龍」與「大四喜」、「帝豪寶貝」及「清新動力」季內贏過四班，各有各疑問；「噴火龍」有莫雅變數，然而排13檔，卻很難改變被動跑法。

「大四喜」由黃俊變沈拿已多負六磅；「帝豪寶貝」不及季初；「清新動力」有1400級數縮落1200米，可是上仗賽後不良於行，唞九日復課，隔五周再跑只跳兩課，準備顯然不足。

埋門試閘前後兼具另外，上次突如其來的「二話不說」初跑1200米，而且換潘頓多數會熱，何不博更好分、更有路程證明的「綠尚飛馳」？

去年尾此駒因傷曾停操一個月，自今年一月中恢復快試後，再無間斷，姚本輝有耐性，操至二月中才安排試閘，再隔約三周試多課閘，睇「綠尚飛馳」試跑、試閘表現，全不覺有傷癒後遺症。

尤其是今月的一課大閘，不單有前有後，還難得唔搶口、唔心急，戰鬥感好足，雖久疏戰陣但我卻不擔心牠會過度搶口，加上有足夠前領馬，只要如預期留得順，應不會跑得差！

第十場二班1400米，「錶之太陽」前仗久休復出跑同程，輸給「魅力知友」卻跑贏今次再同場的「帝豪寶寶」，上仗隔十日而大幅增程跑1800米，排外檔留後，入直路明顯唔夠氣而衝唔起，岳禮華好早收工，對輸遠一點也不以為然。

跑完隔兩日便復課，隔四日再跳，緊接有大閘、草地課期，大可不必對其健康起疑心。經過此輪打磨後，狀態比前仗、上仗，都有升無跌，這次唞四周，復爭1400米加上改配潘頓，無論部署或用人都更似樣，面對「弛曜風」未必一定落下風。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef