歐洲影壇新寵寶蓮艾特妮（PaulineEtienne），前年以法國片《修辱》（TheNun）令觀眾刮目相看。

今年25歲嘅寶蓮艾特妮，最近有新片《東京未婚妻》（TokyoFiancée）喺香港上映，呢套電影係改編自佢同鄉嘅比利時女作家愛美麗諾彤(AmélieNothomb)獲獎暢銷小說《愛美麗之東京未婚妻》，寶蓮今次都有破格演出，飾演鍾情日本嘅比利時少女愛美麗。

故事中嘅女主角自幼受到日本文化薰陶，千里迢迢由比利時走到童年時嘅出生地東京生活，遇上日本富二代凜吏，兩人好快發譜出異國情緣，男友仲主動求婚，電影拍攝出東洋獨特嘅有趣風格，亦因為兩地文化差異亦鬧出唔少笑話。

話晒係套三級片，寶蓮都離唔開有露點演出，展現出肢體美感。至於飾演凜吏嘅日本男演員井上泰一，其實係個居住英國嘅日裔新人，雖然演出經驗尚淺，但表現出奇地自然，反而令觀眾睇得份外投入。