【新增內容】

李悅彤（Liddy）原名李婷，2014年介入導演彭順嘅婚姻，之後更遭逢家庭巨變，多重打擊令佢一度避開傳媒，絕跡網上。到同年8月佢貼出一張飲咖啡相，示意從新出發走出陰霾。(新聞連結： https://bit.ly/2JSaIsi )。

前年11月，Liddy再戰幕前，同媽咪一齊拍攝有線旅遊節目《帶阿媽去旅行》，出發泰北拍外景。跟住佢間唔中都有出席電影首映增加曝光率，但幕前演出工作機會仍然不多。未幾又消聲匿跡。

據知Liddy已經結婚，目前懷有約5個月身孕，不過Liddy暫時未有回應。而出身TVB擔任過Sing之天使其中一角「檸檬」嘅佢，日前都有出席錢國偉同陳宛蔚囡囡嘅百日宴。已減少幕前演出嘅Liddy心廣體胖了不少，腹部更微微隆起，拍照時更下意識以手掩肚作保護。

曾經係「Sing之天使」嘅Liddy，日前仲大住個肚去賀錢國偉囡囡百日宴，問到錢國偉可有恭喜Liddy結婚兼有B？佢話：「已經喺我BB嘅百日宴恭喜了她！」

此外，近日Liddy在Instagram貼圖，宣佈籌備多時的家品店開幕，但未有提供詳情。

精選娛聞，喺晒《娛果》
http://fb.com/appledailyent