因應牛頭角迷你倉大火導致2名消防員英勇殉職，特首梁振英稱會取消7.1慶祝酒表演環節，個人不參加當日團體的慶祝活動。民建聯議員蔣麗芸認為政府續辦慶回歸酒會，只取消表演環節是合適，特首當日不適宜出席「一啲太歌舞昇平的活動」，梁的決定正確。

至於其他慶回歸活動是否要取消，蔣就指要由有關團體決定，「我相信政府好難叫人唔去搞，我呼籲除咗特首唔出席之外，就算啲司長同局長出席的話，我都希望佢地能夠避得就避，如果避唔到，佢哋去到，或者發言完，都應該離席，唔應該繼續留喺度歡樂咁樣」。她指個人七一當日，出席回歸升旗禮後就會離開，不會出席酒會。

金融界議員吳亮星就說：「我會出席(酒會)，點解唔去？」，但補充指「如果取消，我就唔去啦」。