「我希望有人收下把口，唔好再公開亂咁中傷人，我唔會怕你，要鬥我會奉陪底。」陳淑蘭好友Crystal日前接受《蘋果》電話訪問時稱。一對好朋友，由本來合作夥伴一齊打理酒店餐廳，到姊妹反目，身為公眾人物的蘭子，日前喺fb發表「引狼入室」言論，雖然未有指名道姓，但就引得女友人Crystal喺fb爆seed狂轟蘭子，話：「人格必須是你需要檢討的一個課程，朋友一大堆都被你嚇跑掉……跟你玩過、合作過的全給你出賣背後亂唱。」

重溫昔日：
【羅生門】蘭子指摘「家賊難防」 好友Crystal解畫：有人矇查查鬧笑話
https://bit.ly/2tkWZzE

【隔空罵戰】陳淑蘭自爆引狼入室 遭友反擊狠批
https://bit.ly/2K0J1NX

件事簡單啲講，就係：
1.佢兩個本來係好朋友，2016年蘭子知道男友利承武餐飲事業要改革，而Crystal喺飲食界好有經驗，所以蘭子就說服佢過檔。
2.餐廳生意係好咗，蘭子居功不少。
3.後來發展成羅生門。一個指對方經常喺酒店飲醉酒鬧事，好言相勸，但對方因而嬲咗好姊妹。事件傳到男友耳中，結果成日嗌交，成為分手導火線。
4.羅生門嘅另一邊，那人就指自己「引痕入室」，其中一項指控係盜竊。

今日，先開火嘅蘭子現身電台錄音，之後再接受傳媒訪問：
1.稱莫名奇妙點解有人對號入座
2.表示不再回應對方網上指控，因為涉及公司
3.對方涉及誹謗內容已交律師處理
4.擔心事件事家人擔心，影響嫲嫲及母親健康
5.與利承武分手傳聞，蘭子表示「多謝關心」，不作回應。

但同時，蘭子今日在報章專欄以「引狼入室」為題，不點名撰文再開火，指遭生意拍檔兼丈人「笑裏藏刀暗插」，指控包括稱對方要求在餐廳結業前盡拿餐廳用品：「在其他同事眾目睽睽之下，她說要這個屏風、那張餐枱等等。之後再熱烈地拖着我到厨房『後欄』，對我說要攞走果醬、銀壺及糖等。她說那些接手人不會要吧！並叫我吩咐助手過兩天安排把物品先送到我家，再送去她家裏。」又指這隻「狼人」前夫曾告之，「狼人」屋企宴客，如置身於酒店，似有所暗示。

今午，Crystal撰長文，就陳淑蘭指控逐一回應：

A.我前夫告訴她，我喺屋企請客嘅時候，好似置身於酒店咁，暗示我拿晒酒店餐具用在我家請客？
斷章取義嘅説法，我可清楚解釋。很多謝前夫認同我有品味，我前夫話佢知我請客餐具像置身似酒店，又真係冇錯， 因爲我只買歐洲名牌靚餐具用 ，但別忘記，我家請客時，我仲未入酒店做嘢，我家裡用的餐具，與酒店又有何關係？

B.報紙登那張相，佢和鄧達智有份到，我請客時公司（即餐廳）還未結業，對方來我家吃飯都好清楚我用乜嘢餐具，所以説話就別嘩眾取寵。

C.佢（陳淑蘭）話我攞餐枱，我家裡的酒店枱椅，一樣都沒有；至於酒店餐枱，不合我家風格，也很陳舊，木邊也「披晒口」、食物攝晒落啲枱罅度，木椅舊到我成日被投訴勾爛女人絲襪褲，之前又唔想公司花錢換，最後我用最平方法，叫人哋鋪晒白枱布遮住晒啲 醜……

如果佢話我想拿回家據為己有，這更可笑……段估佢張枱冇理由靚過我屋企嗰張、幾十萬嘅美國名牌訂購回港張Barbara Barry餐枱啩？ 難道我要掉咗屋企張美國名牌8人長大枱，搬張千人客戶餐枱返屋企享用咁笨？

D. 至於話攞果醬，其實唔止咁少，仲有茄汁、茶葉、咖啡豆、汽水、肉類、調味料、醬油、麵粉、糖。 酒店尾聲離埸前，因部分物資悉數由我們公司所擁有，而又不便存放，所以建議全部攞晒出嚟放晒喺餐廳大堂內任由員工各自取回家自用，不必浪費。

最後總結：「其實嚴格來說， 我們上下員工因沒有公司正式指引她的身份，只能當他是超級VIP客人看待， 公司內部一切這小姐全不知情，也沒有向她交代的理由。老闆一直都我哋好好，好感激老闆俾咗員工一個咁好嘅機會。」、「唔識我的人，我就唔需要同你去解釋，又或者識同唔識我的人，不要用對耳朵去看一個人。」