李家鼎今日喺銅鑼灣為代言月餅出席活動，識煮嘢食嘅男人特別有魅力，大把姐姐仔擁上試食，鼎爺仲宣佈月餅銷情好，希望可賣兩萬盒。

而鼎爺主理嘅私房菜訂單到明年3月。中秋節快到但忙到冇得停嘅鼎爺，冇時間見紅顏知己，連孫仔都冇時間見：「訂單多到頭都暈，交俾拍檔處理，最近請咗個o靚妹做，唔係啲訂單好易亂。大仔都要12月先有位食，新抱訂咗都要排隊，唔可以插隊。」