應屆港姐冠軍雷莊𠒇，當選即晚已經被質疑唔夠靚、中文唔好，如果要代表香港，絕對係唔合格，有人仲話，雷莊𠒇成功為幾位同樣被視為未夠班嘅冠軍「平反」，因為佢嘅出現，說明咩叫低處未算低。

好似2007年冠軍張嘉兒咁，佢特徵係面大，一張pizza面就曾經被人形容適合拍瘦面廣告，甚至有人話笑起上嚟似William Hung孔慶翔。張嘉兒之後主持奧運節目，又不停講錯嘢，港姐冠軍再次扣分。

之後被人垢病嘅有張名雅，佢喺2012年贏咗，而同屆對手仲有黃心穎、朱千雪、岑杏賢，競爭有幾激烈可想而知。最關鍵係觀眾「一人一票」環節死server，民選 朱千雪只係得季軍，張名雅仲成為咗眾矢之的。

數遠少少，莫可欣喺93年當選，但有最人嫌佢醜，唔夠郭可盈、麥家琪靚，連老公方中信都話佢唔靚，但心地夠好。港姐係「美貌與智慧代身」，莫可欣擁有免疫與分子生物學學位兼工商管理碩士， 其實都夠資格當選。

講完冠軍，呢幾年嚟，其實有位落選港姐滄海遺珠，佢就係林潔瑜喇，由一開始被網民笑樣衰，大方接受反而令網民曲變直，轉頭支持番佢。林潔瑜最終三甲不入，又多謝番一班網民，行動話你知咩叫心胸廣闊，早幾日林潔瑜仲喺facebook話：「請大家手下留情，多一份包容，足夠讓人成長的空間廣闊一點。」咁體貼，會唔會呢啲先係香港小姐需要嘅性質呢？