黃秋生對行政長官林鄭月娥今日開記者會僅向公眾道歉，但拒絕下台，也沒有撤回《逃犯條例》修訂及6.12定性為暴動事件，秋生表示對林鄭說話沒有期望：「估到啦！佢會辭職先奇。」問他林鄭今日道歉後會否讓市民收貨？他說：「我估就唔得嘞！都話佢講地球係圓都冇人信㗎啦！冇得搞㗎喎！個個都想佢死，連建制都係，不如搵個高人開個盤睇吓有冇輔助星啦！」

之後秋生又補充說：「我邊有資格收唔收貨呀？我又唔係收貨人。我只係一個估估吓嘅維園大叔。不過就唔明又講同一番說話做乜呢？日日開一次記者會講同一樣嘅說話都冇用㗎。即係阿媽叫個仔讀書，讀書呀，讀書呀，讀書呀！鬼食泥咁，個仔都係打機㗎啫，不如搵個補習老師啦！」

-----------------------------
你撐蘋果 我捐$1
支援反送中抗爭者