溫總向沙士孤雛回禮 - 李八方

蘋果日報 2004/02/14 08:00


外交部駐港特派員公署日前舉行新春酒會,特首董建華、問責高官、商界名流同外國駐港使節有成五百幾人畀晒面出席,包括好想競逐下屆特首嘅吳光正。李澤鉅同汪明荃等都有去。
特派員楊文昌梗係例牌講吓香港作為中國南疆一個國際性都市嘅重要性。據講,當日老董身體都唔錯,但噚日參加婦女研討會嘅時候,林貝聿嘉演講五分鐘,佢就咳咗三次,又冇戴口罩,認真好意思。
阿董日夜同胡溫倒米,溫家寶就唔知幾識得做總理,佢喺春節嘅時候收到淘大花園沙士家庭郭名慧小妹妹爸爸託李麗娟送嚟嘅賀年卡,同埋用佢兩姊弟照片製作嘅日曆,溫總馬上委託中聯辦負責人噚日到淘大向郭家致謝,重送名慧一個利是封、一個新書包,一袋學習用具以及一個包裝精美嘅果籃。
(圖)汪阿姐(左二)及吳光正伉儷(右一、二)出席新春酒會。


傳真︰2623-9278
電郵︰[email protected]