韓國人氣綜藝節目《Running Man》(RM)噚日播出新嘅一集，喺節目中「國民MC」劉在錫就大慎撞親頭，令其他成員大為擔心。

噚日播出嘅一集，就講到《RM》要喺大型飯碗中跳舞，劉在錫一個失平衡就唔小心被拋出碗外，一個頭就落喺出面嘅軟墊上，劉在錫即時按住額頭露出痛苦樣，身邊嘅李光洙同埋全昭旻即上前詢問佢嘅情況，劉在錫則舉高手示意冇事。

據知劉在錫事後即去到附近急症室進行檢查，最終要縫三針，又笑言可以順便去做整形手術，認真識自我安慰。而劉在錫檢查完畢後就繼續拍攝，但當鏡頭拉近時，就可以見到佢額頭位置仍然有啲紅腫情況，而且眉部附近仲貼咗膠布，令唔少粉絲都十分擔心，同時亦大讚劉在錫好專業。

更多韓流，喺晒《娛果》
http://fb.com/appledailyent