韓國型男蘇志燮孖女星鄭仁仙、男星孫浩俊主演嘅MBC新劇《我身後的陶斯》，將於本月26號首播，劇組今日再公開預告片宣傳。預告片中，蘇志燮坐喺房中間，似係憶起過去喺國情院嘅事，之後佢聽到有人敲打牆壁，隨即挨近並敲打牆壁用密碼試圖用對方溝通，點知只係一對雙胞胎貪玩不斷拍打牆壁而發出嘅聲響。

於劇中飾演國情院特攻嘅蘇志燮，因3年前喺一次任務中失去女友，加上佢懷疑國情院內部有間諜，所以佢決定離開國情院，並隠姓埋名過普通人嘅生活。不過蘇志燮就意外遇上住喺佢隔離嘅單親媽媽鄭仁仙，仲有一對可愛嘅雙胞胎，預告大放笑料。

精選韓流，喺晒《娛果》
http://fb.com/appledailyent