將軍澳醫院男外科病房，為配合病房整體緊迫流程，護理員常於凌晨三時至六時間，叫醒病人問「有冇小便」或要求為病人抹身，但部份病人認為此安排欠妥善，滋擾其他病人休息。將軍澳醫院亦坦承，有關病房程序非最好安排，但為配合整體緊迫流程，惟有用此方法。

上月間在將軍澳醫院因盲腸炎施手術、須在醫院6B男外科病房留醫半個月的病人莫先生稱，「半夜三更搞醒病人，原來就係為咗要同佢哋抹身同問你有冇小便；呢個措施真係好奇怪！我覺得佢哋要詳細檢討呢個制度！」
他說，留醫期間，常於三更半夜被叫醒，每晚凌晨三、四點，總有醫護人員叫醒病人，問他們須否小便；而至凌晨五、六時，又會有職員叫醒病人，要求替他們抹身。

影響病人休息時間
「病人做完手術，係好需要充足休息，喺醫院咁陌生嘅環境下根本好難瞓得着，難得瞓着到半夜，竟俾人連番搞醒；病人根本難有足夠嘅睡眠！沖涼抹身都唔應該喺半夜進行，點解唔調校好啲？」莫先生認為將軍澳醫院病房運作安排上，有改善必要，故向《蘋果》反映，盼將軍澳醫院可作檢討。
將軍澳醫院發言人坦承，有關病房程序不是最好的安排，但為了配合病房整體緊迫之流程，惟有採用此時間表。
發言人表示，男外科病房一貫抹身時間實為每天下午一時至二時；早上五、六點叫醒病人抹身，是當值護理人員按個別病人特殊需要（如失禁）而進行即時清理。