【新增動新聞】
天鴿襲港期間，由太子到旺角一帶大部分路線的小巴都停泊在路上，沒有小巴司機開工。位於通菜街的潮聯小巴陣以往佔3條行車線，今日只餘下約7架小巴，偶有司機開工。由旺角開往觀塘的小巴由9元加至20元，由旺角開往土瓜灣的小巴由8元加至20元至30元，由旺角開往九龍城及黃大仙的小巴則由8元加至13元。

70歲的興姐是九龍城至黃大仙小巴線的負責人，開小巴已有50年，她指8號風球起已由8元加至13元，以往慣常做法，是直至8號風球或以上的熱帶氣旋警告信號取消後才會回復原價，她指小巴在十號風球下不獲保險賠償，基本上不會有小巴司機冒險開工，八號風球的「風尾」會有少量小巴司機開工，「今日賺唔到錢，保險唔賠，而且冇乜客，但我今日冇嘢做，出嚟開返轉賺少少，但要自己承擔責任」。

「我係呢條線嘅打理人，我要出嚟睇住啲車，打風我哋做車主唔俾啲司機偷偷開車賺錢，佢哋博命做但淨係交幾百蚊租俾你，我哋要承擔風險，唔化算」。現時與3名子女共擁有6架小巴的興姐，因颱風無法租出小巴，她指早上租車予司機是350元，晚上租車予司機是900元，今日一架車蝕1,250元，6架小巴共蝕7,500元。

她指由旺角開往九龍城至黃大仙是東南方向，「依家唔係吹東南風，係嘅話我都唔會開車，通常我哋呢條線就算八號風球都有幾架車做，但唔係司機做，係車主做，自己承擔返，保險唔係完全唔賠，但會好刁難你」

駕駛小巴約35年的林先生，是由旺角開往九龍城及黃大仙的小巴車主，「落咗10號風球，連8號風球都就快落，我先敢出嚟開返轉」，他指小巴不受保險賠償，由8元加至13元，只加5元是「賺冒險錢」，「今日冇生意，唔夠客，得6至7個都開車走，本來一車16個，都冇客」，「第一冇客，第二冇保險，做司機自己選擇啦」，他指今日開工是「為顧客服務」，「的士加幾十蚊，我哋小巴先十零蚊」。

位於太子弼街及西洋菜南街的西環線及紅磡線小巴，旺角花園街的藍田及何文田線，亞皆老街一帶的油塘線、樂民新村線、慈雲山線亦未有司機開工，所有小巴只泊在路旁。

由登打士街開往西貢的小巴亦於8號風球以上不會開車，司機陳先生指「我都係啱啱起身，等3號波先可以開車，所以唔會加價，而且都冇生意，10號8號開工嚟做乜，車主都唔俾啦，又要冒險，旺角去西貢條路好長、好危險」。駕駛小巴20年的楊先生負責由旺角開往土瓜灣的路線，小巴收費原價8元，八號風球以上收20元至30元，「我唔係車主，係租嘅，但因為我係全個月成架車租晒俾我管，唔同佢哋，所以我可以照開車，一般你見到太子同旺角泊滿車，係車主唔俾開工」，他指今日開工是冒險兼「冇錢賺」。

已退休的劉先生是九龍城線小巴的常客，「今日連的士都揾唔到」，指「十號八號風球，的士加幾十蚊，小巴加幾蚊，都好合理啊，打吓麻雀唔好過，咁冒險，萬一出事有邊個幫到佢」。任職會計的黃先生今日打風放假到坐九龍城健身，「加幾蚊都Ok嘅，好合理，我原本打算由旺角行去九龍城，見個風就快落就出嚟」。