大窩口邨一單位 天花批盪現裂痕
房署只執漏住戶惶恐
蘋果日報 2004/06/30 00:00
荃灣公屋大窩口邨富國樓一單位廁所與廚房，去年9月天花批盪及牆身瓷磚出現剝落；房屋署維修後不足一年，天花再呈現裂痕及撲起，瓷磚開始裂開，令住戶提心吊膽，房屋署只允再作執漏，在裂紋處再加批盪，住戶擔心未能徹底解决問題。
富國樓一單位住戶蘇小姐向記者憶述去年單位內瓷磚及天花石屎剝落時，仍猶有餘悸。
她稱，去年9月，樓上單位進行地面維修，工程期間已不時傳出很大聲浪，「喺間屋度覺得間屋係咁震」，當時她不以為意；直至有一天，她發現廁所一邊牆壁的瓷磚逐塊剝落，接着廁所內天花，及毗鄰廚房的天花批盪，亦開始剝落掉下。
「鋼筋斷咗重生晒銹」
「嗰陣真係嚇一驚，好彩無跌落我度，唔係都唔知點算！我即刻搵辦事處，佢哋都知道有問題，即刻派人上嚟睇及進行工程。鑿開晒啲石屎嗰陣，見到啲鋼筋好幼，而且好多斷咗，重生晒銹，睇落真係好牙煙！」
蘇小姐稱，房署在屋內用鐵柱頂住天花板再進行維修，重新批盪後再髹漆；她以為問題已解決，故未再追究。
但三個月前開始，她發現廁所及廚房的天花批盪，竟又開始爆裂，現出一條條裂痕，更呈井字形。
她稱，去年9月，樓上單位進行地面維修，工程期間已不時傳出很大聲浪，「喺間屋度覺得間屋係咁震」，當時她不以為意；直至有一天，她發現廁所一邊牆壁的瓷磚逐塊剝落，接着廁所內天花，及毗鄰廚房的天花批盪，亦開始剝落掉下。
「嗰陣真係嚇一驚，好彩無跌落我度，唔係都唔知點算！我即刻搵辦事處，佢哋都知道有問題，即刻派人上嚟睇及進行工程。鑿開晒啲石屎嗰陣，見到啲鋼筋好幼，而且好多斷咗，重生晒銹，睇落真係好牙煙！」
蘇小姐稱，房署在屋內用鐵柱頂住天花板再進行維修，重新批盪後再髹漆；她以為問題已解決，故未再追究。
但三個月前開始，她發現廁所及廚房的天花批盪，竟又開始爆裂，現出一條條裂痕，更呈井字形。
「整咗唔夠一年，有乜理由又係咁，唔單止有裂痕，有啲地方重撲起咗，重有上次未有事嘅瓷磚，都開始裂開；我同屋企人𠵱家喺屋企，成日有陰影，驚天花唔知幾時會有嘢跌落嚟！」
她稱，曾就此再作投訴，房署竟稱批盪沒有問題，「如果真係冇問題，麻煩佢哋搵工程師白紙黑字寫張證明，咁我同屋企人起碼有番信心繼續喺度住，但係佢哋唔肯寫！」
房屋署發言人回覆本報查詢表示，有關單位的天花，去年確因批盪老化，出現剝落情況；房署得知後，已即時派員跟進及進行檢查及維修。
發言人稱，早前接獲住戶報稱曾進行工程處出現裂痕後，房署結構工程師及保養測量師曾到有關單位查看，發現現時該些只是批盪的裂紋，並不會影響樓宇結構，只要再作執漏，在裂紋處再加批盪，使其平滑，問題應可解決。（○六一五○二一）
香港工程監督學會會員詹濟南表示，天花批盪維修後不久又再撲起，可能是進行維修時，所用的新修補劑根本未與舊石屎融合所致，現需要鏟起再作修補。至於批盪裂開，除可能因批盪內水份抽乾導致收縮現裂紋外，維修時處理鋼筋的工序欠妥，如鋼筋沒有磨清銹迹便使用，修補劑成份欠佳等，亦可能令批盪爆裂。
服務熱線
電話：29908288
傳真：23702192
電郵：
維修後不足一年，廁所瓷磚已開始爆裂
廚房天花批盪亦再出現裂痕及撲起（箭嘴示）。