o靚模出身嘅鄺敏慧(中巴)，令人印象難忘嘅工作唔多，反而佢嘅感情生活就經常成為大眾茶餘飯後嘅焦點。

09年，愛情大過天嘅中巴，甘心背上「第三者」嘅罪名，同「散打王」崔建邦相戀，可惜卻換來「拳拳到肉」嘅對待，俾邦邦當做人肉沙包咁，最後中巴難忍被打，報警時才揭發二人戀情。事件鬧上差館，邦邦人氣急跌，幸好中巴放佢一馬，邦邦毋須留案底，但須守行一年。(新聞連結： http://bit.ly/2cZGILE )

同邦邦分手後，中巴感情生活好快就有着落喇！10年，跟崔建邦分手不夠兩星期，已火速另結新歡，與家住渣甸山嘅星馬富家子交往。( 新聞連結： http://bit.ly/2d2UE58 )

11年，中巴又有新戀情，就俾《蘋果》影到佢同工程師Kit Loo密會，拍住拖咁同長輩喺酒店食飯，態度親䁥。 (新聞連結： http://bit.ly/2dlEUYM )

兩年後，中巴仲同Kit有情人終成眷屬，一心以為佢搵到真愛，點之去年就傳出佢搭上已婚嘅銀行高層Edward Chow，人稱「粗哥」，有傳中巴趁同老公嗌交，乘機就搬走，之後就跟住粗哥，做佢背後嘅女人。( 新聞連結： http://bit.ly/2d3cWlh )