韓劇《W》、《當你沉睡時》男星李鍾碩，早前忙於新片《V.I.P》嘅宣傳工作，佢喺片中飾演冷血殺人魔，係佢首次做奸角，而佢喺8月28號至本月29號嘅電影演員品牌評價中仲撼贏孔劉、李帝勳等，獲封冠軍。

另外，李鍾碩喺噚日播出嘅《一日三餐》中，李鍾碩就力撐好兄弟尹鈞相，並聯同李瑞鎮去送飯畀Eric，而尹鈞相就喺現場向村民介紹李鍾碩，並指佢係佢弟弟，村民都大讚李鍾碩好靚仔，仲話佢靚到似女仔，大讚擁有白滑肌膚嘅李鍾碩。