【新增動新聞】
現時長者及合資格殘疾人士可以每程2元優惠乘搭指定公共交通工具，過去一直有批評被濫用情況。網上今早熱傳一條短片，指有人疑假扮殘疾人士，使用2元優惠乘搭巴士，下車後隨即站起更健步如飛，被網民批評「為左（咗）兩蚊雞可以去到幾盡」。

短片中可見，一名坐輪椅中年男子乘搭E32巴士到青衣長康邨巴士站下車，待巴士駛離後，他徐徐從輪椅上站起來，並推着輪椅橫過馬路。拍攝者一直追隨着該男子，直至步入屋苑。

不少網民懷疑該名男子濫用殘疾人士2元優惠，批評「行得快過阿婆」，斥浪費香港資源，更有網民爆料指該男子住葵東，輪椅為其父所有，「得閒就坐出來玩巴士佬」，又曾目睹該男子「亂過馬路，轆去紅綠燈」。有網民亦批評因有不少人濫用該優惠，令真正有需要人士被公審及歧視。不過，亦有網民指影片中無拍攝到該男子使用2元優惠，又指申請傷殘證非易事，籲大家勿「靠估」未審先判。

勞福局網頁顯示，現時65歲或以上長者可用長者八達通或個人八達通搭車，以獲得2元乘車優惠。65歲以下殘疾程度達100%的綜合社會保障援助（綜援）計劃受助人，以及65歲以下的傷殘津貼受惠人，需使用印有照片的「殘疾人士身分」個人八達通，才可有此優惠。未持有「殘疾人士身分」個人八達通的合資格殘疾人士，須填表向港鐵申請，由確認收到妥善填好的申請表計起，處理新的個人八達通的申請一般需時4至6星期。

【網民留言】
●So Wan Lai：行得快個婆，高登仔起佢底啦，浪費香港嘅資源呀
●Yatming Cheung:佢咪就係住葵東個條友囉，47X同38個D師兄好憎佢。佢老豆就真係坐輪椅，佢就你白卡2蚊，好似有D弱智
●Wing Ho：我見過佢系青衣青華苑落 重可以亂過馬路 轆去紅綠燈都吾系好遠
●Andy Li：就係呢啲人！搞到真正需要 攞綜援傷殘津貼乘車優惠的人被不公平的公審！岐視！
●Law Lai Jean：推住輪椅行，就一定係扮傷殘？！！坐住輪椅搭巴士，就一定只係畀2蚊？！！真係覺得香港人愈來愈有智慧 !!
●Andy Li：如果一個正常人 識行識走 坐住部輪椅上巴士 落咗車 又推著 輪椅健步如飛咁行！你哋 聯想到有咩問題？正常人會唔會咁做有何目的？我會聯想到好似有啲扮傷殘人士個籌款騙徒一樣！
●Kim Hang Koo 眼見未必事實真相！！！！#我不識事主#睇嘢判决前了解清楚先