張名雅換咗大會指定泳裝出場，繼續騷Big爆上圍。有主場之利嘅張名雅狀態大勇，佢問司儀曾志偉若然喺16位佳麗中，邊個會有愛嘅感覺，志偉即即話：「諗都唔敢諗，費事黐線。」志偉隨即反問張名雅乜嘢係愛，張名雅話愛有好多種，包括愛情﹑親情同友情……跟住佢又自爆冇拍拖，但就即場賣口乖，當眾向大會評判之一兼無綫筍盤馬國明「示愛」，又話馬明BB好吸引佢，搞到馬明BB即時「天然呆」，個樣都幾尷尬。