伍詠薇(伍姑娘)老公練海棠嚟緊7月1日就踏入結婚17周年，不過今日周刊爆練海棠偷會34D女，兼去南灣沙灘相聚兩粒鐘(新聞連結： http://bit.ly/1Xp0IWW )，伍姑娘今日出席有線節目《伍姑娘真識食》錄影，佢就自言係成熟嘅另一半，對件事睇法係要心平氣和去傾，又話呢次係最後回應，之後佢哋會閂埋門處理家事，佢又信老公冇「車震」，因為老公為人唔複雜。

好友周美鳳接受《蘋果》訪問，提到練海棠同女仔車廂匿幾粒鐘喎？周美鳳代老友伍姑娘出頭：「唉！上庭法官都要講證據！冇證據前唔能作任何評論同揣測。我比較理智，要有證據才相信！個女仔係咪喺車嘔呀？」

此外，伍姑娘契妹陳敏之亦透過短訊回覆：「我愛他們，其他嘢唔回應嘞!」