噚日係韓國男團GOT7香港成員Jackson嘅24歲牛一，有香港粉絲之前就喺金鐘某電車站買咗三塊廣告牌賀偶像牛一。

而唔少粉絲亦喺網上向Jackson送上生日祝福，Jackson雖然好忙，但佢都好感激粉絲，佢今日凌晨就一臉倦容拍片及自拍，只見佢好似就嚟瞓覺嘅樣，佢上身仲冇着衫，當中除自拍外，並分別以韓文、中文及英文留言答謝粉絲。

Jackson留言話：「哈哈，剛下班。你們肯定在睡覺吧，謝謝所有人的祝福，也非常感謝爸爸媽媽，24年前把我給生出來。謝謝所有喜歡我跟支持我的人。你們很用心為我做的事一切我都看見了！非常感恩！所有的照片視頻都看得，也希望我未來的作品可以讓你們更驕傲。有些時候當我懷疑自己能不能堅持下去的時候，想到你們期待的目光，我又爬起來了。努力做好自己，做好我們，很愛你們。

更多韓流，喺晒《娛果》
http://fb.com/appledailyent