韓國SBS人氣綜藝節目《Running Man》嘅成員宋智孝噚晚去咗台灣出席《VOGUE》活動，同場仲有莫文蔚、吳建豪等人，佢哋完成活動後亦有趁機自拍留念，而智孝亦有喺網上晒相，除咗一班工作人員合照，智孝亦有鬼馬同友人合照，當中仲變身有鬚女漢子同埋殘爆look，笑爆粉絲。

至於《RM》中嘅「亞洲王子」李光洙早前孖成員全昭旻飛到印尼取景，光洙不枉佢個「亞洲王子」嘅稱號，一現身即吸引一眾粉絲到場，令機場擠滿人潮。

另外，近日因為MBC同KBS電視台工會都有罷工行動，令到多個綜藝節目都受到影響而停播，而HaHa有份出演嘅《無限挑戰》亦受影響，唔知係唔係因為多咗啲時間，所以噚日HaHa就同老婆星拍拖食麵，事實上同行仲有大囝，不過星就話囝囝跑來跑去，所以影唔到相。