喺上年11月，周柏豪喺布吉低調同太太Stephanie結婚，婚後向傳媒稱：「對，她是周太，是最好的，我會繼續好好的保護她，也感謝愛我的人也同樣愛護她。」呢大半年嚟，依舊好少見到柏豪同太太Stephanie一齊出現。

不過見唔到，唔代表柏豪唔愛老婆嘅，早幾個月佢喺紅館演唱會中途，就向太太講愛的宣言，連自己有驚恐症都不離不婚：「當時我好瘦，佢仲稱呼我做瘦奀茄，我自己好多嘢都唔識，塊面爛晒，自己又有驚恐症，9個月冇出街，佢畀好多鼓勵我。」

呢段咁黑暗嘅經歷，發生喺柏豪做歌手之前，當時佢仲做緊model，但突然噩耗來臨，滿面爆瘡，柏豪話當時冇job接，成個人冇晒自信，情緒直插落谷底。

喺呢9個月，柏豪唔敢出街，亦唔肯剪頭髮，喺壓力之下，情緒發泄喺父母身上。柏豪當時一邊睇皮膚科，一邊睇心理醫生，最後確診患情緒病，而佢都把握呢段時間，學琴學寫歌，最後康復。

呢幾年柏豪每次講番呢段經歷，每每都以屋企人形容身邊人，到紅館演唱會先透露原來當時已經認識Stephanie，佢喺演唱會仲話，當時毫無收入，Stephanie都有經濟上嘅援助，為咗答謝太太，會寫歌唱歌送俾太太，o依家嘅恩愛關係就好似初相識咁，幾sweet呀！

情緒病可以受控制及治癒，患者除可接受藥物及心理治療，家人支持和理解十分重要，詳情可瀏覽以下連結 ：
http://bit.ly/2s5f6Ls