馬場有馬跑嘅時候，或多或少都有知名人士入場感受比賽氣氛，順勢撐吓自己朋友嘅愛駒。

今晚（27日）快活谷馬場，就見到迪天奴為第七場「雷公鑿」打氣，原來是此駒馬主兼足總副主席貝鈞奇，特意拉埋這位前南華球星入場。

迪天奴現時仲喺港甲永義效力，可謂寶刀未老，而冠忠南區主教練鄭兆聰這晚亦有現身，迪天奴仲同鄉里兼「雷公鑿」騎師雷神莫雷拉握晒手，兩人一見如故，彼此果然有森巴人天生嗰份熱情。

可惜「雷公鑿」最終大熱以第五名完成賽事，迪天奴只能白行一趟，不過現年44歲嘅佢依然好弗，或者下次雷神再搞足球慈善賽，會預埋呢位有野人之稱嘅高大前鋒一份都唔定。