【新增動新聞】

華倫西亞禮拜日作客皇家蘇斯達，憑前鋒施蒙尼沙薩喺85分鐘嘅入波贏3:2，全取三分當然係值得高興嘅事，不過華倫西亞教練馬些連奴就樂極生悲，喺慶祝沙薩入波果陣拉傷大腿筋，認真陰功！

喺華倫第三次取得領先之後，電視畫面影到客隊教練馬些連奴個樣好鬼痛苦，仲摸住自己嘅大腿筋，好在佢賽後都仲識講笑：「如果華倫西亞成隊只係得我一個受傷，咁問題其他唔大嘅！我係拉傷咗㗎喇，實在太興奮，我應該控制自己情緒好少少嘅。」