【捍衞地盤】
價真棧客似雲來，卻苦了附近店舖。位於價真棧樓上的狄夢莎髮型屋，出入只靠一條窄樓梯，該樓梯屢遭阻塞，「成班內地客堆晒喺度執貨，鬧極唔走，仲兇番你轉頭」，髮型屋老闆陳先生說，雖然做熟客生意，「但連熟客都行唔到上嚟呢！陰功」，惟有「倒水落樓梯」自救，阻內地客聚集。

每天最少倒五桶

髮型師Gary指，內地客從早到晚佔據洗衣街近亞皆老街一段行人路，部份更盤踞樓梯執貨，「極度阻住做生意」。他指，自早上9時首班直通車抵達旺角開始，「一路去到夜晚8點，我哋放工都仲見到有人排緊隊」。
他與另一髮型師Ken不時驅趕於樓梯聚集的內地客，但徒勞無功，部份惡死內地客「聲大夾惡話呢度係公眾地方」。一班髮型屋夥計為捍衞地盤，每天最少倒五桶水弄濕樓梯，希望令內地客無法於樓梯執貨。Ken苦笑說：「你見唔到我哋條樓梯好乾淨嘅咩？」
雖然在場內地客均向記者堅稱掃年貨自用，但Ken懷疑大部份人走水貨，「睇住佢照單執藥，一定唔係自用」。
《蘋果》記者