當年今日

攞獎驚喜參半
林峯遭圍插:壓力好大

蘋果日報 2012/01/11 00:00


被無綫力捧、Chok出一首金曲金獎的林峯,慘遭過萬網民圍插,昨出席活動時要面對壓力,林峯無奈謂藝人沒法控制,也不能顧及自己的感受,只知好多傳言,壓力好大,他笑言在新一年即接受各種意見,會及早訂下目標,加強改善。
新鮮出爐的《十大勁歌金曲》金曲金獎得主林峯昨到上水出席黃金鑲嵌珍品展,可謂與金有緣,不過面對眾多黃金珍品,林峯顯得一步一驚心,心情猶如他日前在台上拿下金曲金獎一樣。同場玄學家麥玲玲向林峯贈言,指生肖忌水,宜搵熱帶女郎如印度西施做女友,及後記者取笑他前女友潘霜霜就有三點水,下次搵女友會否搵名字有火字邊?林峯笑說:「唔使一定印度西施,夏天出生嘅都得,呢啲隨緣啦!」
empty
林峯小心翼翼拿起黃金珍品。
「人有言論自由」
感情失意,林峯雖事業得意,在勁歌金曲頒獎禮中連續三年獲亞太區最受歡迎香港男歌星獎及金曲金獎,但他的《Chok》獲金曲金獎卻備受猛烈抨擊,網民拿歷年的金曲相比,大呼樂壇已死。對於網民圍插,林峯無奈說:「人有言論自由,有發表意見嘅方式,2012年頭有各種意見,我會及早訂下今年目標,加強改善。」問到是否好受傷害?他說:「做藝人唔會care自己感受,只care支持我嘅人嘅感受。」
empty
麥玲玲批林峯生肖忌水,擇偶要揀熱帶女郎。
唔敢攞男歌星獎
近日不少前輩包括林憶蓮、林保怡均表示未聽過他的金曲,林峯只謂兩人都是他欣賞的歌手,大家都明白規則,他承認得獎時自己也感驚奇:「一半驚一半喜,頒獎禮前有好多傳言,令我壓力好大。」可覺得無綫愛你變成害你?林峯無奈道:「冇咁諗,有好多因素,只係做自己要做嘅事,接受一切。」至於想不想攞最受歡迎男歌星獎,林峯笑言五十年後才攞。
採訪:魯萍
攝影:黃偉雄
empty
林峯攞金曲金獎後遭非議,一班忠實粉絲仍以行動支持偶像。