楊思琦與李泳豪分手演變成她與李家的罵戰，繼豪仔兄長李泳漢力數思琦是大話精後，思琦日前亦反擊，數臭施明及李泳漢十宗罪，指母子二人在家中當她透明、掟她的物件，甚至指李泳漢大食懶打細佬，氣得李泳漢要與楊思琦當面對質。

然而，正當雙方罵戰連場之際，思琦卻被揭揀錯郎。思琦日前承認今年5月與吳帥Andy拍拖，不過，她口中十分關心自己和很適合自己的新歡，原來誠信方面很有問題。繼吳帥向其跳水隊隊員借錢，轉職教跳水後又向學生家長借錢，但往往一借冇回頭後，日前本報又獲一份小額錢債審裁處判決，裁決中清楚顯示吳帥（NgSui）06年被追討欠款，據悉款項約數萬元，裁決指吳帥缺席聆訊，被告人吳帥除要向申索人償還欠款外，還要支付180元訟費。
對於思琦的新男友吳帥，李家鼎昨在電話中說：「叫佢小心啲睇定啲，嗰個人俾人起到佢周身債、個底唔好，即係係一個空心老倌，佢（思琦）有眼無珠囉！只可以講一句：『上錯賊船』，欠人幾萬蚊唔還，又話買樓畀o靚妹（思琦）。」

對於吳帥被指曾向不少學生家長借錢，但一借冇回頭，李家鼎聞言後冷笑說：「如果佢一蒲頭，咪成班家長出嚟？冚家鏟啦，一人打一搥都打死啦，係咪？」李家鼎不忘揶揄吳帥說：「問人借錢唔還真係唔係人，我成日教兩個仔，人哋對你有恩一定要還，唔可以扮冇件事。我係窮，都要窮得有骨氣，唔怪得佢（吳帥）思思縮縮唔敢出嚟。我個仔份人好豪爽，成日幫朋友。」
除李家鼎外，豪仔兄長泳漢亦不值吳帥借錢唔還的所為，他昨在電話中冷笑說：「男人借錢唔還呢啲行為唔啱，將佢同我細佬比，我細佬一定唔係咁嘅人，我細佬梗係好好多。」可覺得思琦揀錯郎？李泳漢說：「呢啲我唔評論。」李泳漢早前表示有證據證明思琦講大話，對此他說：「啲證據喺細佬度。」
日前思琦力數施明與李泳漢母子對她十分差，對此施明昨日在電話中說：「我唔想再回應任何嘢，冇乜值得講，我乜都唔理，做人最緊要唔好傷害人。」
採訪：林妃

爆料：如讀者知道吳帥底細，歡迎報料至：mailto:[email protected]