當年今日
關於我們

【No Big Deal】陳小春爆Jasper妒忌細佬:佢問我咩叫Jealous

蘋果日報 2020/05/31 00:00

陳小春應采兒Jasper

陳小春太太應采兒前日誕下第二胎,今日小春到養和醫院探訪剛出世的兒子和太太,他表示細仔小名叫Hoho,取其「好好」之意,太太生產過程順利,自己有入產房陪產,但沒有剪臍帶:「唔敢,畀醫生做,手術費包咗㗎嘛!」小春透露太太選擇了開刀產子,因為順產太辛苦:「如果你食麻辣食多都會唔舒服,開刀冇咁難受。」
他笑言現感覺有點勞累,只等待太太出院回家休息。至於成為大哥哥的Jasper有何反應?他坦言Jasper妒忌小弟弟:「噚日見過弟弟,佢都開心,但今日佢唔係咁舒服個感覺,所以今晚返去O氹吓佢,唔好咁啦!多少有啲...其實佢之前有問過我『咩叫Jealous?』吓!Jealous,我唔識答佢。」
小春表示之後想了想,再問Jasper:「你最後一次Jealous係點樣?」他直言難以解釋,但也嘗試說明:「妒忌咪冇...想要有,最後諗咗no big deal,冇咩大不了,你唔好妒忌,情緒嚟啫!你唔諗就唔會有。佢知我嘅解釋,明唔明就再諗,點解釋畀佢聽咩叫妒忌啫!冇得解釋。」
談到當爸爸心情,他笑說:「同上次比舒服好多,第一胎嗰嚿嘢出咗嚟唔知咩嚟,今次出咗嚟有咗個印象,加上呢個樣似老婆多啲,我都安心晒,哈哈,戥番勻多啲。」會否考慮再追個女?他說:「辛苦,唔啦!夠皮,一家四口,成雙成對。」問到這幾日是否時時刻刻陪在太太身邊,小春反問:「可以唔陪咩?今晚就返去逗一逗個大仔先。」Jasper是否感到抑鬱?小春坦言:「嗰啲囉,想講嘢...佢平時好多嘢講㗎嘛!講唔出,哎!」
不過小春之最後亦成功開解Jasper,他承諾回家陪囝囝踏單車,夜晚父子二人一齊波睇:「不斷引佢入局,同佢講日頭返嚟同你踏單車,夜晚同你睇波,即刻開心番,係有小小Jealous,小朋友,冇諗到入院前一晚,佢話要family hug,不過幾得意呀,我覺得,睇佢反應好好笑。」
empty
empty
empty
empty