不是老公，不是老竇，是你個仔冇得撈，又唔同講法。做人阿媽，永遠認為個仔未長大，難免擔心，怕他自殺。不過個仔做了七年半，日日七十一，日日遭人媽媽聲問候，跣到七彩。這個阿媽，時時刻刻肉赤眼眉跳，個仔唔做，直情還得神落。專家教落，養兒係用來防老嘛，個仔唔做特首，背脊不怕被人篤花，條氣順些，命都會長些少，阿媽才有望享仔福。
假如是你老友唔做特首，恭喜你，終於失而復得有番個老友。
假若董特首是你的情人，他政途愈轉折愈有可觀性。假使將來掟煲，你出書爆料，峯迴路轉，大把內幕，不愁銷路。