李柱銘狠批梁振英處事作風充滿中共特色,「共產黨就係咁,死都唔認錯,錯咗就死都話唔知道」。李柱銘認為,當日靠中聯辦拉票才得以當選特首的梁振英,上台後只會徹底聽命中聯辦,「香港人講啲嘢,梁振英得個聽字,但唔會聽入腦」。李柱銘質疑,如果香港有普選,梁振英被踢爆僭建醜聞後,早就應該下台問責,「佢誠信咁大問題,點可以做特首?」
雖然年屆74歲,但李柱銘遊行時健步如飛,「旋風式」到多個政黨街站,為民主派議員包括社民連「長毛」梁國雄、公民黨陳淑莊、民主黨單仲偕、工黨主席李卓人等打氣時,亦不見絲毫氣喘。李柱銘其後到達政府總部為民陣籌款時,政治魅力不減當年,逾百名市民爭相上前捐款,令李成為遊行的「吸金王」。《蘋果》記者
七一為乜上街?請到蘋果日報facebookfanpage投票吧: http://www.facebook.com/questions/10151071597587448/