演過《霜花店》、《奇皇后》嘅41歲韓國藝人朱鎮模，今日被爆同32歲大陸女星張儷拍拖，兼去女方屋企過夜，二人更行街街晒恩愛，令戀情曝光。

據知大陸女星張儷曾同王陽明拍戲撻著，但最終分手收場，而張儷今次同朱鎮模原來都係戲假情真，佢哋年初合作拍電視劇《親愛的，對不起》時，二人飾演一對夫妻，戲外朱鎮模仲自薦做張儷嘅男友，查實佢哋已經擦出愛火……

當時有大陸傳媒去探班，記者問到張儷同朱鎮模嘅感情狀況，張儷就講過：「明天殺青，在享受最後一天的戀愛。」點知佢已經將韓男嘅心「私有化」，戀愛ing。