搣住青雲塊面至喊得出
鄭秀文450萬玩人鬼戀

蘋果日報 2002/07/12 00:00


鄭秀文與劉青雲首次合作拍電影《我左眼見到鬼》,在戲中做好心鬼的青雲,因為在地府被女鬼迫婚,穿上一身新郎裝的他要逃婚到陽間,機緣巧合下遇上寡婦鄭秀文。
樂壇天后鄭秀文(Sammi)和劉青雲主演的《我左眼見到鬼》將於明天上映,一向是票房保證的Sammi今次片酬高達四百五十萬,且看《我》片上映時,她能否繼續做票房靈藥。
Sammi在《我》片中飾演寡婦,而青雲則是一隻被水浸死的鬼,他在地府被女鬼迫婚,所以走上陽間躲避,在機緣巧合下遇上Sammi,並展開一段戀情。

合演有火花
杜琪峰日前接受電話訪問,他表示Sammi今次表現比前成熟,他說:「可能對住青雲呢類咁好戲嘅演員,令佢演戲更投入,佢兩個撞埋一齊,係有火花嘅。有一場戲Sammi要拍喊嘅場面,場戲係講佢一路用手搣住青雲塊面,一路又喊到七彩,但鏡頭其實係睇唔到青雲,所以青雲原則上可以唔使埋位,但因為冇青雲畀Sammi搣塊面,Sammi就喊唔出。結果青雲惟有唔入鏡,繼續畀塊面佢係咁搣,我當時都唔知青雲畀佢係咁搣會唔會好痛。」

搞笑愛情片
另外,杜琪峰又表示雖然今次拍的是驚嚇片,但卻有不少感人場面。杜琪峰說:「部戲好多人可能以為係驚嚇鬼片,其實呢部戲係愛情片至真,而且有幾場戲會令女性觀眾喊。呢部戲驚嚇鏡頭唔係咁多,搞笑場面重多啲。」