韓劇《太陽的後裔》男星宋仲基早前飛去美國洛杉磯跟內地女星章子怡拍廣告，有現場工作人員透露，章子怡跟喬妹因為曾經合作電影《一代宗師》，估計係喬妹「引線」，令宋仲基跟章子怡拍廣告時默契一早已有。

雖然現場工作人員冇表示喬妹都喺拍攝現場，不過原來喬妹近日都喺美國，而且仲要都係喺加州，只不過喬妹就表示自己喺三藩市，今日就於Instagram公開企喺金門大橋前面嘅新相。

雙宋前後腳現身美國，唔知二人私下有冇喺加州某個地方聚舊呢？

另外，宋仲基今晚現身首爾西大門，出席啤酒節開幕禮，跟粉絲齊齊飲啤酒。