聖誕過後，唔好以為將「X'masSale」、「聖誕狂減」牌收起晒就無筍倉，查實重有好多漏網之魚重未出場。好似今日介紹呢個衫倉，一倉集X-Large、Stussy、Freshjive、Nike等各大潮牌，衞衣$100有件，Nike波鞋$299、$399有一對，重有其他款式畀你慢慢執，所以話購物狂歡重未完！

記者：黃婉冰
攝影：黃子偉　
模特兒：Crystal&Ben（CoolFactory）

型襯男着

OnBen：嫌TrackSuit太焗，薄身棉質Zip-UpJacket係另一至佳選擇。好似X-Large呢件黑×白間條款，唔玩猩猩Pattern改玩間條，着條淨色束腳褲，襯埋對VandalSupreme高筒波鞋，好簡單都可以好型！
X-Large間條Zip-Up外套
原價：$690　開倉價：$160
Nametag束腳褲
原價：$420　開倉價：$160
NikeVandalSupreme
原價：$649　開倉價：$399

潮襯女着

OnCrystal：Stussy衞衣二百有找，Print靚價錢正，買件粗着都抵。X-Elle貼身Unwashed直腳牛仔褲，乃襯衫必備。兩個後袋都車有好Sharp嘅Pattern，襯埋對特別版Pro-Keds布鞋，型女必襯！
StussyGraffitiLogo有帽衞衣
原價：$780　開倉價：$160
X-ElleUnwashed牛仔褲
原價：$560　開倉價：$160
Pro-Keds特別版波鞋
原價：$399　開倉價：$199

Oversize板仔Look

X-Large扮嘢巨「猩」今勻潮扮米奇，連品牌名都玩埋阿拉伯文，玩得抵死。加上有帽衞衣好易襯，直腳斜褲或Oversize板仔褲，任擇其一都可以好好睇！
X-Large扮嘢巨「猩」
原價：$590　開倉價：$160
A#薄身直腳褲
原價：$650　開倉價：$160

日本BaseballStyle

繡花Zip-UpBaseball褸，今年繼續大熱。Nametag繡花Baseball褸，內襯長袖衣，下襯牛仔褲同布鞋，型！
Stussy數字衞衣
原價：$590　開倉價：$160
Nametag繡花Baseball褸
原價：$320　開倉價：$160
X-Girl直腳褲
原價：$560　開倉價：$160

CasualOldSchoolWear

要繼續OldSchool，Ringer衞衣點少得？JustFitCutting，深藍×粉藍經典顏色，再襯個粉紅Print，款式簡單但一樣夠出，襯二手老牛或橡筋腳褲均可！
NametagRinger衞衣
原價：$320　開倉價：$100
Nike橙×黑石紋AirSafari
原價：$549　開倉價：$299

X-Large囂爆猩樣

叼番口大雪茄，X-Large猩猩嘜頭見慣見熟，咁囂嘅樣你又見過未？叼住口煙重要𠵱起棚牙，望落又幾鬼過癮！無法啦，唔打扮吓點博你垂青？
原價：$590　開倉價：$160

OBEY超SharpZip-Up有帽外套

有帽Zip-Up外套，都算係另一穩打穩紮款式之一。OBEY呢件就大玩撞色，黃×黑Sharp到爆，前面一大個OBEY字，後面再嚟一大個Pattern，款式又係好易襯！
原價：$560　開倉價：$160

Freshjive保暖雙面風褸

嫌普通風褸擋得風但唔保暖，Freshjive呢件雙面風褸就兩樣都有齊。夾棉質料重有條企領，由頸暖到落身，一面藍色一面紅色，兩面都着得，唔換衫都無人知！
原價：$690　開倉價：$340

Freshjive「毛帽」衞衣

好明顯Freshjive呢件主力唔係玩Print，玩咩？之唔係玩料囉，睇睇頂帽，裏面全部都係滑嘟嘟毛毛，衞衣玩毛毛帽，效果出乎地型！
原價：$590　開倉價：$160

A#圓領棉衫Sell斯文

咪以為A#淨係識出板仔衫，呢件棉線圓領過頭笠，款式擺明玩斯文，但好彩有番啲破幅設計、車線Logo同手踭位。雖然唔係好特別，但勝在唔老土。
原價：$640　開倉價：$160

正斗波鞋必掃
Nike石紋系列

除橙×黑外，石紋Safari亦有白×藍，同場重有DunkHigh同DunkLow款式，男男女女都有份。DunkHigh款售$399，Safari同DunkLow款$299。
原價：$549-$649　開倉價：$299-$399

六款NikeVandalSupreme任揀

對VandalSupreme情有獨鍾，甚至想儲多幾隻色，係時候補貨喇！六種顏色任你揀，帆布、皮款齊備，但屬斷碼貨，有無Size就睇你運氣喇！
原價：$649-$799　開倉價：$399

HeadDunk$179

再平啲有無？有，HeadDunk減到$179，油皮、麖皮任君選擇，重有多種顏色任揀。橙色女仔至啱，男仔就梗係揀啡、黑呢啲低調款喇！
原價：$499
開倉價：$179

特別版Pro-Keds

今次開倉，將特別版Pro-Keds一次過晒冷。對對$199任你揀，豹紋、男人頭、抽象畫、裸女款各有賣點，但事先聲明，眾多款中以裸女款最搶手，手快有，手慢自負！
原價：$399　開倉價：$199

NikeBlazer勝在易襯

雖然Blazer最新一期連豹紋、馬毛都玩埋，但講到易襯，始終都係淨色。特別係曾幾何時賣斷市嘅深啡油皮款，今日一口價$299，當日買唔到，今日可以補番數，另有其他短筒款！
原價：$549-$599　開倉價：$299

其他推介貨品
Nametag風褸

唔鍾意太過花巧，不如諗諗呢件淺灰色風褸。企領款夠大路，褸帽可收在衫領內，衫腳有索帶，內有透氣網層，款式簡單。$100幫你擋風遮雨，幾抵！
原價：$360　開倉價：$100

Droors-Denim藍斜褲

想買一條襟着又舒服嘅褲，不如就揀呢條藍色斜布褲。Droors-Denim斜褲，質料柔軟舒服，兩側有魔術貼褲袋，玩得幾激都無問題！
原價：$560　開倉價：$160

拆帽狗仔LogoJacket

鍾意企領又愛有帽，首推呢件兩者兼備嘅全棉Jacket。帽可拆走變成企領款，一衫兩着，最特別係個Logo，奧運五環標誌其中一環變成個9字，下面又整隻狗，擺明玩字！
原價：$380
開倉價：$160

X-LargeLogoCap帽

買開衫就唔爭在襯埋頂帽，Cap帽、貨車帽，低調、誇張乜款都有。最平幾十蚊有頂，最貴二百蚊有找，價錢款式全部都有得你揀！
原價：$260　開倉價：$130

Phase02潮服開倉：

日期：即日起至1月9日
時間：中午1時至晚上9時
地點：尖沙嘴麼地道20號1樓
電話：23692712
付款方法：現金、EPS及Visa（購物滿$500方可使用信用卡）