韓國神劇《太陽的後裔》嘅宋仲基同宋慧喬將於下月31號結婚，早前二人被指秘密飛咗去美國影婚紗照，噚日又有網民指目睹雙宋飛巴黎，令人猜測佢哋喺去巴黎再影多輯婚紗相定係作婚前旅行。

至於喬妹嘅好友Divashim噚日就喺Instagram上載一張同喬妹嘅舊照，呢位老友經常喺韓國同法國巴黎兩邊走，似乎喬妹真係飛咗去巴黎，順道見老友，而Divashim噚晚先留言話自己好驚會喺喬妹嘅婚禮上喊，之後佢再更改留言，並搞笑話經過喬妹嘅丈夫批准而上載呢張照片，似乎喺喬妹朋友心目中，宋仲基唔係未婚夫，而係「老公」了。