谷德昭、陶傑和林奕華昨日在無綫生活台的節目《全民開講》中，與《色，戒》導演李安談色論戒。谷德昭表示多年前曾在台灣一個首映禮上認識李安，但正式坐下來交談還是第一次，印象中他覺得李安是個大導演，十分聰明。

「佢值得學習」

谷德昭昨日接受電話訪問時說：「李安拍戲真係拍得好深入，佢真係有好多地方值得學習。」問他向李安提出了甚麼問題？他說：「我問佢拍完《斷背山》後，其實有大把劇本堆喺佢面前，點解會選中拍張愛玲嘅《色，戒》，佢話其實拍緊《斷背山》時已經睇中咗呢部小說，所以決定要改編呢部戲。」
此外，陶傑則在電話中說：「《色，戒》中湯唯同梁朝偉嘅床戲好多人關注，李安話湯唯冇經驗，佢同梁朝偉就好有經驗，不過係社會經驗。」
陶傑表示他跟李安說到有幕湯唯蜷曲身子跟梁朝偉做愛的場面，既可用在男女身上，也可用在男與男身上，有很豐富的想像力，李安聽罷不禁哈哈大笑起來。陶傑說：「好在呢幕戲喺內地上映時會刪咗，如果唔係就有成兩億男女跟住學。」
採訪：林妃