韓劇《雲畫的月光》男星朴寶劍早前做打工仔，孖性感歌姬李孝利、李尚順夫婦以及女團少女時代成員允兒拍攝JTBC節目《孝利的民宿2》，節目將於聽日播出最新一集。李尚順去完首爾工作返到濟州島，會合老婆以及朴寶劍、允兒繼續為民宿開工。

不過當4人接待完客人就迎來休息時間，允兒與李孝利到海邊談心，朴寶劍就孖住李尚順行山兼放狗，唔止允兒、李孝利嘅關係變得親密，朴寶劍、李尚順嘅關係亦變得密切，朴寶劍仲蹺住李尚順行山，似乎正向對方撒嬌，而粉絲見到預告相亦笑言「好似母子散步」，認真搞鬼，唔知李孝利見到又會係咩反應？晚上，李孝利一行人返到民宿嘅工作室，朴寶劍更晒歌喉及琴藝，冧爆允兒及李孝利。

更多韓流，喺晒《娛果》
http://fb.com/appledailyent