浩澤淨水(2014)中午發公告,題為「浩澤與沃爾瑪中國簽訂裝機協議」,指已於本月,與沃爾瑪(Walmart)簽訂中國區水機安裝協議。純看標題,好似好勁咁,就咁聽真係以為咩大刁。
不過,細看內文,浩澤就話,今次「淨水服務範圍,將涵蓋沃爾瑪中國區門店收銀區、辦公區、倉庫、超市區。目前,淨水器安裝工作已經陸續展開。」咁即係話,今次呢個協議,浩澤只係為沃爾瑪內部,提供淨水服務。情況就好似某某水機公司向你間公司,提供水機服務咁簡單。
浩澤午後升幅擴大,現升8.5%報2.68元,暫時成交金額993.9萬元。