職場如戰場，返工如打仗，想喺職場上學番一兩招，好多人會睇管理學專書，但原來睇中國經典名著《西遊記》都可以學到管理，網友喺《天涯社區》將主角比喻為職場上嘅代表人物，唐僧＝領導人、孫悟空＝有才幹嘅人、沙僧＝做得嘅人、豬八戒＝小人。
天心水鏡鋪咗「唐僧究竟最喜歡邊個徒弟？──道出職場殘酷現實」上網，內容話唐僧原來最鍾意豬八戒，好多人以為八戒好懶，其實唔係，佢做嘢一絲不苟，只係好鬼小氣，做多做少都同人比，唔肯蝕底。

粒粒巨星班底未必好

唐僧又話，由頂尖人才組合嘅隊伍，唔一定可以發揮最大功效，因為成員必須有唔同特點同分工，好似打唔過人就跑、通風報信嘅通常係八戒，就好似啲將軍用怕死嘅士兵放哨咁。至於悟空，雖然多次救佢出險境，但衰功高蓋主，所以對佢又愛又恨。
其他網友對天心水鏡有好多意見，話唐僧取經，就好似市場上要獲得利潤一樣，唐僧好需要悟空幫手，先至唔會俾人食，最終達成目標到西天取經。老獵狗好感慨話：「老闆冇錯係想要人才，可惜佢哋一般唔知乜嘢係人才，往往將重任交畀小人。」
http://cache.tianya.cn/publicforum/content/no100/1/30619.shtml