曾出演韓劇《懷抱太陽的月亮》男星丁一宇近年紅到去泰國，仲成為首位韓國藝人出演泰劇，佢早前已經飛咗去泰國為首部泰國電視劇《LoveandLies》做準備，佢喺劇中仲會相當有領導才能嘅演藝企劃公司嘅負責人。

唔知丁一宇係唔係因為要逗留喺泰國一段長時間，所以佢都入鄉隨俗，跟足泰國嘅禮儀，仲走咗去拜四面佛，祈求一齊順利。

本報讀者日前就捕獲到丁一宇喺泰國拜四面佛，喺泰國時間本周一下午6時，身穿花花短褲兼着上一件寫住「SexMachine」Tee嘅丁一宇，佢喺一名泰國工作人員陪同下現身四面佛廟。根據讀者表示丁一宇喺現場跟住工作人員指示點樣進行拜神儀式，丁一宇亦都細心地依照指示，拿住香燭及鮮花。二人大約只逗留兩分鐘就即匆匆走人，估計丁一宇喺趁空檔時拜四面佛。

由於丁一宇打扮輕便，所以唔算太多人認出佢係知名韓星，不過丁一宇身上件Tee就好搶眼，上面寫上「SexMachine」字眼，唔通係有所暗示？