「升班馬」白禮頓今季主場表現有保證，在周日英超迎演出走樣的愛華頓受讓平/半，下盤似乎超筍。不過，由於白禮頓陣容不整，而「拖肥」又有隊長菲臘積基爾卡復出，此消彼長下，一於博愛華頓反底開上盤。（球賽編號：星期日22；now621及樂視今日8:30pm直播）
愛華頓今季表現差勁，今夏大事擴軍下目前竟位列下游，而近10場更只得兩勝，在周日英超作客升班馬白禮頓前，更傳出領隊朗奴高文烏紗不穩，難怪拖肥今役只少讓平/半。不過愛華頓的人腳確勝白禮頓一籌，今役除有隊長積基爾卡傷癒外，老將朗尼亦料擔正，夥拍新星卡維特利雲攻堅，配合主力如舒尼達連及湯姆戴維斯等，拖肥實力與活力兼備，只要踢出水準，不難取得今季首場聯賽作客勝仗。

以英冠亞軍身份升班的白禮頓，今季在主場表現有保證，近四場共獲三勝一負，今役當然希望可在拖肥身上搶分。不過，「海鷗」今役未能「夫添」，除中場卡耶奧及薛維爾續養傷外，荷蘭球員戴夫保柏又在國際賽期受傷，加上今季聯賽有兩球進賬的前鋒希密特亦被罰停賽，而另一前鋒森巴鐸克則因傷上陣成疑，球隊中前場實力大減，就算面對愛華頓時銳意防守，但所謂久守必失，領隊曉頓未必可以打響如意算盤。（此場設「球員─特別項目」及「首名入球」投注）
文：吾中